Pakistan

Li Pakistan, c' est on payis d' Azeye nonnrece, metou inte l' Inde (å Levant) eyet l' Afganistan (å Coûtchant). I va disk' a l' Oceyan Indyin a Nonne. Il a eto ene coûte frontire avou l' Iran (å Sud-Ouwess), et avou l' Chine (a Bijhe).

Eplaeçmint do payis e Moyén Levant

Li Pakistan a stî eclôs pa les Amerikins dins leu pordjet di Grand Moyén Levant.

C' est l' shijhinme pus peuplé payis del Daegne. Et c' est onk k' a l' bombe atomike.

Mwaisse veye : Islamabad.

Pus grande veye : Karatchi.

Rilidjon des djins : Muzulmans.

Lingaedjes : Ourdou (lingaedje oficir), inglès (prumî lingaedje etrindjir), pashtoun, et co des ôtes.

Pårtixhaedje do teritwere

Pårtixhaedje do Pakistan

• Cwate provinces ås plins droets (1= Balotchistan, 2 = Province del Limotche Nôr-Ouwess, 3 = Poundjab, 4 = Sindh)
• Distrik d' Islamabad (5)
• Payis tribås (6)
• Payis do Nôr (8)
• Cashmire pakistanès (7, e margaye avou l' Inde)

Istwere

C' esteut ene colneye inglesse, dizo l' no di Pakistan coûtchantrece.

Ele s' a dislaxhî e 1956 e minme tins ki l' Pakistan levantrece, pu si schåyî d' avou ç' payis la (ki s' lomrè Bangladesh) e 1971).

Li Pakistan et s' vijhén, l' Inde, s' etindèt come tchén et tchet. Gn a ddja yeu troes gueres inte di zels.

Nouzomès grossès aiwes e 2022: dipus d' 1000 moirts, 1500 djostés, pus d' on miyons di dmorances distrûtes u dilåbrêyes; 800.000 biesses di cinses neyeyes, 800.000 ectåres di coûtivaedjes enaiwés.

Rilomés Pakistanès

• Benazir Bhutto : li prumire comere prezidinte d' on payis muzulman.