Påjhûle nute (tchanson)

"Stille Nacht, heilige Nacht" (e l' almand, pa Ernestine Schumann-Heink)

Påjhûle nute (e l' almand: "Stille Nacht, heilige Nacht", coete nute, sinte nute), c' est ene rilomêye tchanson d' Noyé, foirdjeye e-n almand, et ki date di 1818.

Oteurs

Li cåzaedje a stî scrît på pere Joseph Mohr (1792 – 1848) a Oberndorf dilé Sasbork (Otriche). Li compôzeu fourit Franz Xaver Gruber (1787 – 1863).

Plake sol måjhone la k' fourît scrîtes les paroles del tchanson
li compôzeu
tchapele lomêye «Die Stille-Nacht-Kapelle» e viyaedje la k' li tchanson esta fwaite

Contnou

Modêye ås troes coplets (eplaideye e 1891)

Li mwaisse modêye a shijh coplets (sins resploe). Mins li modêye li pus tchantêye n' end a k' troes.

Dins l' mwaisse modêye, li shijhinme fråze est l' minme ki l' cénkinme.

Vocial li mwaisse tecse e-n almand del modêye ås troes coplets:

Tecse
e-n almand	a pô près mot po mot e walon
Stille Nacht, heilige Nacht, Alles schläft; einsam wacht Nur das traute hochheilige Paar. Holder Knabe im lockigen Haar, Schlaf in himmlischer Ruh! Schlaf in himmlischer Ruh!	Coete nute, sinte nute. Totafwait doime; zels tos seus, rawårdant, come deus hanteus, n' a la ki l' tote sinte cope. El binamé napea ås crolés tchveas doime påjhûlmint e cir. doime påjhûlmint e cir.
Stille Nacht, heilige Nacht, Hirten erst kundgemacht Durch der Engel Halleluja, Tönt es laut von fern und nah: Christ, der Retter ist da! Christ, der Retter ist da!
Stille Nacht, heilige Nacht, Gottes Sohn, o wie lacht Lieb' aus deinem göttlichen Mund, Da uns schlägt die rettende Stund'. Christ, in deiner Geburt! Christ, in deiner Geburt!

Ratournaedjes

Elle a stî ratournêye dins ene peclêye di lingaedjes.

Les ratournaedjes dins les lingaedjes etrindjirs ont-st on nombe diferin d' coplets.

modêye e-n esperanto

Ratournaedjes e walon

Jean-Denis Boussart

Li tchanson a stî ratournêye e walon pa Jean-Denis Boussart. Elle est tchantêye pa René Chaumont sol plake «Matante Jane».

"E l' nute påjhûle" (redjårbaedje Djhan-Dnixh Boussårt, ritravayî e rfondou, tchanté avou on prononçaedje zero-cnoxheu, 1î coplet)

Christian Antoine

Gn a eto on redjårbaedje da Christian Antoine k' a parexhou dins «Singulîs» 4-2010. Elle est tchantêye pal tchantreye "Les tchanteus d' après meynute".

"Ké drole di nute" (redjårbaedje Christian Antoine, ritravayî e rfondou, tchanté avou on prononçaedje zero-cnoxheu, 1î coplet)

Lucien Mahin

Èn ôte libe redjårbaedje est l' ouve da Lucyin Mahin.

"Dins l' påjhûle nute" (redjårbaedje Lucyin Mahin, tchanté avou on prononçaedje zero-cnoxheu, les 3 coplets)

Les deus prumîs coplets sont classikes: li stoele ki mostere li ståve (ou l' tcheri) la k' Mareye s' a-st acoûtchî, li tchanson des andjes, l' acoraedje des bierdjîs.

Dins l' troejhinme coplet, li scrijheu riprind ene creyance levantrece come cwè li Ptit Djezus cåzéve dedja estant co påpåd, po-z espliker ki s' mame n' aveut fwait nou petchî, mins ki s' ratindance esteut l' ouve do Bon Diu.

"Dins l' påjhûle nute" (li minme, tchanté avou on prononçaedje coinrece: accint d' Transene)

Hårdêyes difoûtrinnes

(so l' Aberteke)

Tecse redjårbaedje Christian Antoine (ritravayî e rfondou)
Tecse redjårbaedje Djan-Dnixh Boussårt (ritravayî e rfondou)

so Wikisourd: Dins_l’_påjhûle_nute (tecse Lucyin Mahin)

Tchantaedje (sol sitroete plake «Matante Djene»)

Commons

I gn a so les cmons Wikipedia des imådjes ou fitchîs son a vey avou l' tchanson "el nute påjhûle" .