Drovi l' mwaisse menu

L' esperanto est on lingaedje planifyî, ki s' såme c' est d' rinde pus åjheye l' etercomprindaedje des djins di tot l' minme ké peupe tot permetant l' droet a l' ewalisté culturele. Il est pus åjhey a-z aprinde ki les lingaedjes nåcionås.

L' esperanto a-st evolouwé dispoy si cminçmint come prodjet eplaidî på medcén di Varsoveye L. L. Zamenhof e 1887. Enute i gn a des esperanto-cåzeus dins ene 120tinne di payis. Leu nombe egzak n' est nén cnoxhou.

E pratike, l' esperanto est eployî copurade:

  • påzès voyaedjeus, ki polèt-st insi eployî ene rantoele daegnrece di lodjeus ki cåznut l' esperanto;
  • tins des congrès so l' esperanto, festivals culturels eyet ds ôtès sfwaits evenmints;
  • po sacwants pasmints d' tins come des scrijhaedjes di letes (ou emiles) avou des soçons di l' ôte dibout del Daegn, li ramexhnaedje di timbes-posse, les radio-amateus, les berdelaedjes sol daegntoele, evnd.

I gn a-st eto ene lådje literateure en esperanto, ratournêye oudonbén oridjinnåle. Dins des cas k' i gn a l' esperanto est minme eployî come lingaedje syincieus, di comiece ou d' ovraedje pa des soces nén govienmintåles.


Difoûtrinnès hårdêyesCandjî