Noveles di Mélin (noveles)
(Redjiblé di Noveles di Mélin)
Noveles di Mélin (Novèles dë Mélin), c' est ene ramexhnêye di noveles sicrîtes pa Jacques Desmet ey eplaidî e-n otoproduccion e 2010 (mins nén daté).
Ele si pasnut tertotes a Mélin-el-Hesbaye (apus k' ene a Djodogne). Les prumires sont otobiyografikes ou des sovnances. Adonpwis, gn a deus ki sont des radaptaedjes di des ôtes sicrijheus e walon.
Djivêye des noveles
candjî- Li tiyoû (otobiyografike) : skepiaedje ey pitite efance, la k' i gripe sol grand tiyoû la k' on lyi aveut dit k' il aveut vnou å monde. Novele dicåçtêye ås Måjhnîs (dimorants del Måjhone-des-Bwès).
- Les cwate fis d' amon Bårbî (otobiyografike) : sipoûle di s' famile, et skepiaedje do racoulot des cwate frés al clinike a Lovén.
- Li colifon (otobiyografike) : do bataedje des dinrêyes al machine (ey l' ecråxhaedje des corwès å colifon a ses furdinnes di guizele.
- Li martchand d' amour (sovnance) : Portrait d' onk do Sårt-Mélin, ki tneut on gayet po siervi les vatches do payis. Novele dicåçtêye ås Sånîs (dimorants do Sårt-Mélin).
- Ås tchandeles (sovnance) : Cwand on fjheut des vôtes al Tchandleuse.
- Prumî betch (otobiyografike) : Prumire asblawete, a 16 ans.
- Ene istwere di robete : radaptaedje d' ene novele da Auguste Laloux. Dicåçtêye ås Sånîs.
- Les ratourneures do vî pa do Pierot : radaptaedje di Les mots då vî-pa da Felicyin, dicåçtêye ås Gobtindjîs, des carioteus come dins l' mwaisse sipoûle.
- Pal finiesse di m' tchambe, al måjhone di rpoize (creyåcion) : portrait d' on catî d' Djodogne. Li seule novele ki s' passe e 21inme sieke, et la k' i gn a do rcweraedje do des noûmots.
- Mi paradis (creyåcion) : Tuzaedje po mostrer ki l' paradis sol tere, c' esteut bén a Mélin-el-Hesbaye. On n' est nén oblidjî del croere...