Noere tripe
Li noere tripe (on dit eto : noer boudin), c' est del tripe classike fwaite avou beacôp do sonk, k' est noere di coleur.
C' est ene des pus viyès cråxhreyes kinoxhowes.
Li bouyon d' noere tripe, c' esteut foirt bon come sope, k' on magnive voltî avou des viermiceles. Copurade s' i gn aveut ene tripe ki s' dismantchive divins tot cujhant. (Et cwand n' aveut nole ki schiréve, on ndè trawéve ene en esprès). Les djins alént dmander ås botchîs li bouyon d' tripe, cwand i ndè cujheut. Zels, les botchîs, el fotént evoye.[1]
On mete do lård avou l' sonk. Åresse, c' esteut ene des manires po les botchîs ès mete cwite do lård k' il avént d' trop.
Li noere tripe, i nel fåt nén moure trop fene. On voet voltî les gros bokets d' lård divins.
Po-z assåjhner, on mete do poeve, do sé et del såriete. Li såriete pout esse riplaecêye pal mariolinne.