Lård

Li lård, c' est del cråxhe di pourcea.

des bagues di lård

Li cråxhe di boû si lome li saeyén.

Motlî

On cwåré d' lård k' on pleut voyaedjî avou si lome ene «bague» di lård.

Ene trintche di lård cût al paile, c' est on kerton.

Li boird d' ene pîce di lård, ki c' est l' pea do pourcea, c' est l' coyene.

Sôres di lård

crås lård (å dzeu) / maigne lård (å dzo)

• crås lård : les gros pourceas did divinltins, touwés a 150 kilos, end avént ene fele coûtche.
• maigue lård ou trelårdé : lård avou des royes di tchå dvins (respondant å musse del pea).

li lård dins l' amagnî

Li lård a stî li soûmint di l' amagnî waitî come li meyeu, do tins k' les ptitès djins ni fjént nén rosti-boli tos les djoûs.

On meteut fonde do lård dins ene paile, po cure ene fricassêye d' oûs, ritchåfer les canadas. On fjheut rivni do lård dins on tchôdron po kimincî on cujhaedje pus rilever.

On l' eployive eto po fé des spessès vôtes. N aveut nén ddja dandjî d' dire "vôte å lård", ça s' compindeut tot seu.

Cwand les djins n' ont pus bouté tant fizicmint, li lård a stî veyou evi, pask' i fjheut groxhi.

Compôzucion

Come les ôtes cråxhes di biesses ås tetes, n a k' des crås seurs bôrés dins l' lård. Did la li ricmandåcion di n' nén tofer magnî des cråxhes di grossès biesses, mins eto des ôles di plante ou del poytreye.