Ni d' oujhea

Pol discramiaedje des årtikes avou l' mot « ni et Ni », loukîz cial.

Po des linwincieusès racsegnes sol mot "ni", alez s' vey sol Wiccionaire

On ni^[1] pus rålmint on nik^[2], c' est ene plaece bén rassonrêye, sovint maçnêye, la k' èn oujhea va acover.

Sôres di nis

Li råskignoû acove dins on ronxhisse u ene bohêye di cxhådes.

Li pénson fwait s' ni dins so ene efortcheure.

L' agaesse bastixh on nik avou on toetea al miercopete d' èn åbe.

Li rwè pexheu si foye on ni dins ene falijhe di tere. I pout cåvler on mete fond. Parey pol wespî, ki, lu fwait des voennes deus metes longues dins l' tere. L' oronde d' aiwe fwait parey so des perets såvloneus u graevleus.

Li ciwagne n' elodje al copete d' ene tchiminêye, d' on minaret, u so des pilônes di telefonreye.

L' ålouwete acove å raeze di tere.

L' oronde di ståve agritche voltî s' nik a on sômî dins on ståve; l' oronde di fniesse a l' ecådreure d' ene finiesse u dizo l' pene d' on toet. Ele maçnêye les ramayes avou des broûs årzêyixheus k' ele ramasse so les tidjes. L' airtchî, lu, fwait do moirtî avou s' prôpe raetchon.

L' ôrimiele li pind après ene coxhe, come on håvursak.^[3]

Sourdants

↑ Ortografeye sins halcrosse D å coron (cogne francesse), come sicrît pa Jean Haust (E1, S24), ca i n' rispite måy divins l' parintaedje e walon
↑ Po tos les nos e walon, et leus accints, loukîz l' ALW al notule 8 14.
↑ (fr) E. Kesteloot et aidants, Le pintemps, Artis-Historia, Brussele, 1983, pp 90-101.

[1] Ortografeye sins halcrosse D å coron (cogne francesse), come sicrît pa Jean Haust (E1, S24), ca i n' rispite måy divins l' parintaedje e walon

[2] Po tos les nos e walon, et leus accints, loukîz l' ALW al notule 8 14.

[3] (fr) E. Kesteloot et aidants, Le pintemps, Artis-Historia, Brussele, 1983, pp 90-101.

[1]

[2]

[3]