Airtchî (oujhea)

Pol discramiaedje des årtikes avou l' mot « airtchî », loukîz cial.

Èn airtchî (on dit eto årbalestrî, årbalesse, albatrijhe, mårtinet, mårtea di schayteu), c' est èn oujhea ki rshonne ås orondes cwand i vole, mins k' a ene cogne foirt diferinne, come ene årbalesse.

Sincieus no d' l' indje : Apus apus.

Mins gn a des ôtes sôres

Famile : : airtchidîs (apodifômes)

Spårdaedje

Payis d' acovaedje : tote l' Urazeye, et l' Afrike bijhrece, Moyén Levant ki waite ki Mîtrinne Mer (Liban, Palestene). Tins d' l' ivier del Dimeye Bole bijhrece, i s' va reschandi e l' Afrike nonnrece.

Discrijhaedje

Eneviè les orondes, il a ene pus coûte cawe, et des pus longuès aiyes ki prindèt li cogne d' èn air cwand i vole.

Vicaedje

L' airtchî n' vént nén al tere: i hape des moxhes, et minme doirmi et si rprodure tot volant.