Andje
Ene andje[1], c' est, dins les rlidjons djwive, crustinne et muzulmande, on tolu k' apoite des messaedjes do Bon Diu ås djins.
Sôres d' andjes
candjîEmey les andjes, gn a dins li rlidjon catolike, l' andje wådrece, ki s’ ocupe di tchaeke djin leye tote seule.
Gn a eto des mwaisses andjes[2] inte di zeles sint Mitchî l’ arcandje, l' arcandje Gabriyel.
Li creyance muzulmande a l' arcandje Azrayel ki sereut l' ci ki vos houke po mori, n' est nén acceptêye pa sacwants coxhes di l' islam.
L' andje ki s' lome Cupidon sereut l' ci ki vos hene ene fritche po vos fé toumer roed bleu sot d' ene ôte djin, on sintimint k' on lome l' amour.
Dins l' årt
candjîLes andjes sont sovint rprezintêyes dins les pondeures et les sculteures, avou on coir di djonne djin (djonnea sins poyaedjes u djonne feye sins waire di pwetrene), et des aiyes.
