Motî d' Årsumont
Li motî d' Årsumont, ki l' tite e francès, c' est «Glossaire d'Arsimont», c' est on motî walon francès ramexhné pa Louis Verhulst dins les sovnances di si djonnesse a Årsumont e 19inme sieke.
Il est rprins sol limero [C62] dins l' djivêye des motîs do walon.
Mwaissès dnêyes
candjîIl a stî prezinté a ene bate del SLLW e 1920, et rascode ene medaye d' årdjint.
Mins c' esteut tos foyous scrîts al mwin, et nén e sistinme Feller.
Il a stî rarindjî pa Julie Servotte, dizo l' mambornance da Marie-Guy Boutier, di 2001 a 2005, et al fén des féns, vudî come live e 2010.
Il a stî metou so les fis e 2020 avou l' åjhmince di tos les åyant-droet.
Istwere do fitchî
candjîLouis Verusse a fwait ses inketes tins del guere di 14-18 (come il esteut fonccionaire, et k' i n' aveut pus rén a fé). Tos les mots provnèt di djins d' Årsumont.
L' ome aveut des foyous, mins i ls a racmincî (deus rîlêyes). I ls aveut dné al Societé d' langues pol concours di 1920, et elle î ont dmoré. Li SLLW les a rmetou a l' ULg.
Julie Servotte a fwait ses candis a l' Univiersité d' Nameur, et aprester on studia sol walon d' Farjole, pol soce Tètâr di Fârjole. Dins les lives k' elle a rwaitî, elle a tchai so on rahouca dijhant k' i gn aveut on fitchî diccionairrece sol walon d' Årsumont (a 100 metes di s' måjhon) a l' univiersité d' Lidje. C' est çou k' l' a decidé di fé si licince a Lidje.
D' amblêye, elle a metou l' mwin sol documint, mins totafwait esteut maxhî. Li scrijhaedje esteut e sistinme di dvant Feller. Si ovraedje a stî di rmete tot çoula d' adrame e sistinme Feller. Elle a bouté ladsu so ses troes dierinnès anêyes a Lidje, fé s' memwere di licince dissu, pu co raspepyî totafwait ene dijhinne d' anêye.[1]
Corwaitaedje tecnike
candjîA costé des mots, gn a eto des ratourneures.
Les mots revoynut nén seulmint ås sinonimes (sene ➙), mins eto a des idêyes vijhenes, dizeutrinnes (sene ➚) u dizotrinnes (sene ➘), çou ki ndè fwait eto ene sôre di motî ideyolodjike.
Egzimpe a "tchivå" :
Hårdêyes difoûtrinnes
candjîCopeye aberwetåve
Sourdant
candjî- ↑ Temognaedje da Jacques Servotte.