Meytrô (plante)

Pol discramiaedje des årtikes avou l' mot « meye-trôs », loukîz cial.

Li meytrô (u meye-trôs ou yebe del Sint-Djhan (eto: båbe di sint Djhan, tchesse-diåle, djaenete), c' est ene fleur des tchamps ki florit d' ene bele djaene fleur ås cénk florifoyes.

Meytrô

Sincieus no d' l' indje : Hypericum perforatum

Discrijhaedje

Les foyes, riloukeyes al loumire, shonnèt trawêyes di meye trôs.

Vinaedje

Ele vént dins les bwès, les bouxhnisses, les trîxhes et so les boirds di tchmin.

Ele florit do moes d' djun å moes d' setimbe, e l' Walonreye.

Come yebe ås maladeyes

C' est ene rilomêye yebe ås maladeyes. Mins, come mierzôle, elle est fotosinsiûlijhante.

Po fé ene ôle di meytrô ki pout siervi come riméde di måjhon:

• code les fleurs di ttå matén.
• rimpli on bocå tot les balant comifåt
• vudî di l' ôle d' olive disca rascovri les fleurs
• leyî 15 djoûs å solea
• rascode l' ôle tot passant l' maxhaedje

On l' pout siervi po les broûleures, li schôpiaedje, côps d' solea u po cafroyî ene plaece k' on-z a må.<ref>Muriel Ringlet divins:

come amagnî

On pout radjouter ses foyes ås salådes.

Epweznance

C' est eto l' cåze di fototinrûlijhaedje ås bedots.