Max Bastin
Max Bastin, c' esteut on gaztî walon ey on waloneu.
Il a skepyî li 19 di decimbe, a Hu.
Il est revoye li 16 di måss 1971, e Uke.[1]
Vicance candjî
Max Bastin aveut stî a scole a l' atenêye rweyå d' Hu. Il aveut yeu, çk' on lome enute on bak e-n Istwere.
Tins d' l' anêye academike 1943-1944, il aveut stî scoleu a l' atenêye rweyå d' Hu.
Tote el Deujhinme guere daegnrece, l' ome ci s' a batou dins li Rezistance bedje ; dj' ô bén, dins çk' on lome el Geheim Leger ([WA] El sicrete armêye).[1]
Houte di çoula, il aveut bouté po l' Uniyon Democratike Bedje ([NL] Belgische Democratische Unie). C' est a ç' moumint la ki Max Bastin eyet William Ugeux (ene ôte grande djin del Rezistance bedje) ont divnou soçons.
Max Bastin aveut ataké a bouter po li gazete [[La Cité (gazete e francès)|La Cité, e 1950. Cénk anêyes après, il aveut shuvou William Ugeux po prinde li rilêye des scrijhaedjes di La Cité.[1][2]
Etur 1957 eyet 1960, c' esteut on moenneu di Courrier d'Afrique. Po çoula, il aveut stî disk' a Yopôlveye. Yopôlveye k' esteut l' no di Kinchassa davance. Li Courrier d'Afrique k' esteut djondant del CSC. Ès-n adierça, c' esteut di dner l' magazine åzès Congolès ki vnént d' rola.[1]
Cwand il a rivnou el Bedjike e 1961, il a-st askepyî eyet manaedjî el Centre d'Information et d'Éducation Populaire ([WA] Cinte d' Informåcion eyet d' Acseignmint Peuprece)[2] po l' mouvmint politike : Mouvement Ouvrier Chrétien ([WA] Mouvmint Crustin po les Bouteus). Padri çoula, il aveut eto prindou pårt a l' askepiance di l' Institut Supérieur de Culture Ouvrière ([WA] Soce Dizeutrin del Tuzance des Bouteus).[3] L' adierça di cisse soce ci, c' est d' coyonker des ponts etur les univiersités ey el mouvmint des bouteus. Cisse soce cial vout ossu rinde l' acseignmint pus democratike eyet diner on bon scolaedje åzès djins ki boutnut po li Mouvmint Crustin po les Bouteus. E 1967, cist ome la aveut enondé el Fondation Travail-Université ([WA] Fondåcion Boutaedje-Univiersité).[2][3] C' est ene etraidance etur li Mouvmint Crustin po les Bouteus eyet les univiersités catolikes francès-cåzantes.[2][3] L' acomplixhmint l' pus grand s' a fwait e l' Univiersité Catolike do Noû Lovén. Cist acomplixhmint cial, c' est l' askepiance del Faculté del Drovowe Economeye eyet di Dujhances sociåles ([EN] Open Economic and Social Faculty). C' est po les grandès djins k' ont ene apriyesse di mestî ubén ki boutnut åzès liveas sociås eyet politikes.
Etur 1962 eyet 1970, il aveut eto fwait d' ôtes ovraedjes po el MCB. Come d' efet, il aveut metou so pî les Semaines Sociales Wallonnes pindant wice k' il esteut sovint pretcheu. Houte di çoula, cist ome ci aveut stî eto manaedjeu d' èn eplaideu : Éditions Vie Ouvrière. Di pus, il a bråmint bouté avou el rilêye del La Revue Nouvelle.
Max Bastin aveut comincî a bouté avou Jacques Yerna, k' esteut on rodje sindicalisse.[4] Çoula s' a fwait cwand l' Mouvmint Peuprece Walon ([FR] Mouvement Populaire Wallon) s' aveut-st askepyî. Come d' efet, Jacques Yerna, c' esteut l' manaedjeu d' èç mouvmint la. C' esteut ene novele asprouvete po askepyî d' on mouvmint d' bouteus ki si lomeut : Rassemblement des progressistes. Il est rwaitî po-z awè radicalisé el MCB, veyånmint avou l' askepiance d' on pårti federå d' hintche, e 1969, ki s' lomeut : Objectif '72 Wallonie-Bruxelles.[5] On-z î ritrovéve des democrates crustins d' hintche, des sociålisses, des comunisses. Ces djins rola volént fé on kimon programe pol Walonreye ey el Beldjike federåle.
Tenawete avou s' tinrijhonne revoyance, ça aveut stî l' fén po li programe cial. Totfeye, sacwantès djins l' ont porshuvou avou des diferintes manires.
Ovraedjes candjî
Live da lu candjî
- Bastin, M. (1968). L'université et le monde du travail. In Bulletin de la Société des industriels. ADIC.
Boutaedjes so lu candjî
- Gerard, E. (1991). De christelijke arbeidersbeweging 1891-1991. KADOC, Viye-Lovagne.
- Max Bastin (1995). In Cent Wallons du siècle. Institut Jules Destrée, Tchålerwè.
Hårdêye difoûtrinne candjî
Sourdants candjî
Èç årtike ci, c' est on ratournaedje di l' årtike ki si trove sol Wikipedia neyerlandès-cåzant.
- ↑ 1,0 1,1 1,2 et 1,3 http://connaitrelawallonie.wallonie.be/fr/wallons-marquants/dictionnaire/bastin-max
- ↑ 2,0 2,1 2,2 et 2,3 https://maitron.fr/spip.php?article150049
- ↑ 3,0 3,1 et 3,2 http://www.revue-democratie.be/index.php?option=com_content&view=article&id=372:enseignement-la-fopes-une-formation-universitaire-pour-des-lacteurs-de-changementr&catid=15&Itemid=148
- ↑ http://www.wallonie-en-ligne.net/1995_Cent_Wallons/Yerna_Jacques.htm
- ↑ https://www.cairn.info/revue-d-histoire-moderne-et-contemporaine-2018-4-page-59.htm