Societé des Transpoirts Etercomunås d' Gant

Maatschappij voor het Intercommunaal Vervoer te Gent

Li Maatschappij voor het Intercommunaal Vervoer te Gent, ubén MIVG seulmint, c' esteut ene societé d' kimons traspoirts do costé del veye di Gant. Elle a stî rebanêye avou De Lijn, e 1991.

Istwere candjî

Askepiance candjî

Li MIVG a stî askepyî e 1961. C' est l' societé k' a rcandjî l' ancyinne societé des trams di Gant : l' Elektrische Tramwegen van Gent.^[1]

Idintité candjî

Les éndjoles del MIVG estént del coleur do cir padzo eyet l' ci del crinme padzeu.^[2] Avou l' redjonålijhaedje des kimons transpoirts bedjes di 1991, li MIVG, come el MIVA, a stî rebanêye avou De Lijn. El MIVA, c' esteut l' rantoele etercomunåle d' Anverse.

Rantoele candjî

Cisse pådje ci n' est co k' on djermon, dj' ô bén k' el pådje est djusse sibåtcheye, eyet co trop tene ; et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén « candjî l' pådje » po radjouter des informåcions.

Bus candjî

Tram candjî

E 1976, on-z aveut sondjî a-z askepyî des trawas po les trams. Tenawete, al plaece, on-z a porlondjî li rantoele troes côps, tins del dijhnêye 1980.^[3]

Vocial, padzo, on tåvlea avou les lenes di tram tins del MIVG. Li lene 3 di tram a stî rcandjî, al fén des anêyes 1980, pa des trolès.^[3]

Limero des lenes	Trote (scrît e neyerlandès)	Anêyes
1	Moscou – Van Beverenplein^[4] Moscou – Wondelgem^[5] St. Pietersstation – Evergem^[6]	1961-1984^[5] 1984-1986^[5] 1986-1991^[7]
3	???	1961-1969^[5]
4	St. Pietersstation – Muidebrug^[8]	1961-1986
5	Muidebrug – Zwijnaarde^[5]	1961-1965^[5]
6	Muidebrug – Redersplein^[9]	1961-1962^[5]
7	Van Arteveldsplein – St. Jacobs – Dampoort – Potuit^[5]	1961-1963^[5]
8	St. Pietersstation – Sterre^[5]	1961-1963^[5]
9	St. Pietersstation – Heldenplein^[9]	1961-1963^[5]
10	St. Pietersstation – Rabot – Muidebrug^[9]	1961-1986
20	Arsenaal – Melle^[9]	1961-1973
21	St. Pietersstation – Arsenaal^[9]	1961-1991
22	St. Pietersstation – D.C. Gentbrugge^[9]	1961-1991
40	St. Pietersstation – Muide – Moscou^[10]	1986-1991
43	St. Pietersstation – Rabot – Muide^[10]	1986-1991

Trolè candjî

Li protosôre do trolè d' Gant avou les coleurs del MIVG.

A Gant, li MIVG aveut metou so pî, e 1985, ene lene di trolè.^[11] On trolè, c' est on bus avou on pantografe : ene sacwè ki raloye l' éndjole a l' caténaire, come so l' imådje di droete. Seulmint, il årè falou ratinde l' an 1989 po k' li trolè comince a rôler.^[11] Tot shuvant l' redjonålijhaedje des kimons transpoirts el Beldjike, li lene di trolè a stî manaedjeye pa De Lijn, disk' a dismontaedje, e 2009.^[12] Ces éndjoles ci ont stî rcandjeyes pa des busses.^[13]

I gn årè yeu troes 20 éndjoles k' åront rôlé dins Gant.^[12] Ces trolès ci, c' esteut des Van Hool AG280 k' on-z aveut apresté avou on pantografe.^[14]