Måtche-el-Fåmene (veye)

Måtche-el-Fåmene (la-minme: Måtche, prononcî Mautche u Mâtche, F. Marche-en-Famenne), c' est èn ancyin ptit ban del Walonreye, divnou intité, e l' province do Lussimbork. C' est l' cinte di l' arondixhmint di Måtche-el-Fåmene.

(eglijhe)

MWaissès dnêyes

• Limeros del posse :
  • asteure : 6900
  • davance : 5400
• Limero diyalectolodjike : Ma 1; mwaisse pont d' l' A.L.W..
• Lomaedje et spotaedje des djins :
  • lomaedje poli : les Måtchwès.
  • sipotaedje : les Måtchîs (fotant lomaedje a cåze d' èn åjhey djeu d' mot avou må tchî).

Tuzance walone

Måtche fourit l' prumire veye del Province do Lussimbork a djouwer teyåte e walon, avou li rprezintåcion do "mariaedje manké, èn operå kel sicrijhaedje est da Pierre Michaux. I fourit creyé al Måjhon-comene e 1804.

Accint walon

Li vî pårler walon d' Måtche esteut metou djusse a l' aschate di troes sôres d' accints do walon: walon do Mitan (viè Cînè et Rotchfoirt), walon do payis d' Lidje (viè Barvea) et del Basse-Årdene (viè Bastogne).

Sicrijheus e walon

Gn a yeu sacwants rlomés scrijheus divant les rebanaedjes di comenes

• Antoine-Joseph Alexandre
• Constant Louis (Vieux Marchois)
• Pierre Michaux
• Achille Mossiat

Teyåte e walon

Fiesse d' esté do teyåte (Estivades), avou des dramatikes di tos les payis, et todi ene trope e walon. E 2006, li dramatike Les Cpagnons del Sinne î ont creyé "Li vwès des Sondjes" da Nicole Goffart.