Achille Mossiat
Achille Mossiat a skepyî li 9 d' octôbe 1870 et mori li 11 d' octôbe 1937.
C' esteut on scrijheu d' arimés s e walon di Måtche-el-Fåmene.
Mossiat n' a nén stî rprind dins l' grosse antolodjeye da Piron.
Ouve pol walon candjî
I ramexhna ses powinmes dins cénk volumes, lomés "Kimaxhreye" (Kimachrèye) (1927), "D' ene coxhe so l' ôte" (D' one coche so l' ôte); "Avou rime et råjhon" (Avou rime et rèson); "A l' avire mins nén al hape (A l' avir mins nin al hape); "Bråmint di tot".
Diyalectolodjicmint, les scrijhaedjes da Mossiat dinèt des foirt clapantès racsegnes so l' accint d' Måtche, djusse metou a l' aschate do Payis d' Lidje, do ci d' Nameur et del Basse-Årdene.
Corwaitaedje des arimés da Mossiat candjî
Motlî candjî
Li motlî da Mossiat e-st assez ritche, mins gn a ene peclêye di francijhas dins ses tecses.
pîtaedje candjî
Li pîtaedje n' est nén todi bon.
- Vola les vacnces houte
- Vos fåt rprinde li haerna
- Po-z atinde vosse bute,
Mins kécfeye k' i prononcive a målvåt les halcrosses E :
- Po-z atinde vosse bute
Sitîle candjî
Li stîle et l' emantchaedje des fråzes si raprotchèt foirt do francès, come c' est l' alaedje adon, divant l' arivêye del djermêye 48.
- plaçaedje do sudjet dirî d' viebe :
- Cwand rvénront les vacances
- Po : cwand les vacances rivénront.
- plaçaedje do diterminant divant l' diterminé.
- I m' fårè, d' on minisse
- Li boûsse po vos ctaper.
- Po "I m' fårè li boûsse d' on minisse po vos ctaper."