Lucyin Maréchal (riwalnijhåve Lucyin Marixhå) a skepyî a Sint-Serwai li 24 di djulete 1892 et mori e 1964. C' est onk des cwate askepieus des Relîs Namurwès, e 1909. Ci serè lu l' prumî penleu del soce. S' î va- t i dmorer disk' a ses vîs djoûs.

Lucien Maréchal
portrait da Lucien Maréchal
Skepiaedje24 di djulete 1892, Sint-Serwai
Moirt24 di nôvimbe 1964, Lidje
Activitésscrijheu, inspecteur des douanes
Ôtes nosVèrdasse

Ouve pol walon candjî

Il aveut ddja studyî li motlî des monnîs (avou s' fré På) et scrire timpesse dins La vie wallonne, Le Guetteur wallon eyet les Cayés Walons.

Si mwaisse ouve, todi assoçné a s' fré, ci serè l' Antolodjeye des powetes walons namurwès ki rexhe e 1930.

Il a eto ramexhné des tecses po ls efants : Po nos scolîs (1940) eyet Po les ptits et les grands (1959).

Po çou ki rwaite ses prôpes sicrijhaedjes e walon, gn a troes ramexhnêyes d' arimés : Djonneas ; A l' ospitå eyet Tot al doûce (1965)

Il a eto scrît on roman Monsieu li rçuveu (1952), la k' i mete bråmint des sovnis di s' mestî come rçuveu des contribucions.

Ås Relîs, il esteut po des scrijhaedjes walons simpes et comprindåves pa tertos. Eto, i serè ene miete e bisbrouye avou les djonnes fijheus d' arimés foirt powetikes ki vont ariver ås Relîs dins les anêyes 1950, come Georges Smal, Jean Guillaume eyet Emile Gilliard.

Hårdêyes difoûtrinnes candjî