Le Guetteur wallon

gazete namurwesse ki rexheut tos les cwénze djoûs

Le Guetteur wallon (« L' awaiteu walon »), c' est ene gazete k' a parexhou di 1924 a 2007 a Nameur. Elle esteut eplaideye pa ene soce lomêye li Rweyåle Soce Sambe et Mouze (Société royale Sambre et Meuse), k' a skepyî d' sicolîs, d' mwaisses eyet d' ancyins scolîs d' l' Atenêye di Nameur. E 2007, li gazete a candjî s' no : ele parexhe todi, mins on l' lome asteure « Cayés d' Sambe et Mouze » (Cahiers de Sambre et Meuse).

Li pupårt des årtikes sont scrîts e frances (i cåznut å pus sovint del foclore, eyet i gn a eto des istweres et des arimés) mins sacwants sont scrîts e walon. Les prumires anêyes, li seccion avou les bokets e walon esteut lomêye « Li cwin des Rèlis », paski c' esteut des Relîs Namurwès ki scrijhént les tecses.

Dispoy les anêyes 1980, i gn a pus waire di tecses di belès-letes ki parexhnut dins l' gazete, k' a divnowe ttafwaitmint ene gazete istorike et foclorike.

Hårdêye difoûtrinneCandjî