Po des linwincieusès racsegnes sol mot "linet", alez s' vey sol Wiccionaire

On linet (on dit eto: ene linete, on linroû, on friyon, on gris)[1], c' est on nozé moxhon xhufleu, del famile des tcheutches (frindjilidîs).

måye
ses oûs
Pol discramiaedje des årtikes avou l' mot « Linet », loukîz cial.

Sincieus no d' l' indje : Carduelis cannabina (davance Acanthis cannabina).

Motlî candjî

Li linet est eto lomé rodje linet (li måle), gris linet (li frumele), blanc linet (sôre avou dipus d' blanc so les penas), franc linet (moxhons såvadjes, eneviè les cis ki djonnlèt dins des gayoles.

E walon, i poite sacwants nos

  • linet (Disfondowe: lënet).
  • linete (Disfondowes: lignète).
  • linot
  • linote ([Disfondowe: lënote).
  • linea (Disfondowes: linê, ligna, lëgna,
  • linrea (Disfondowes: lègn'ré, lèn'rya, lergna).
  • linroû (prononcî lin'rou; Disfondowes: lignroû, lignrou, linrou, lén'rou, lènroû).
  • friyon (Disfondowes: fiyon, fouyon, fion')
  • gris, pitit gris.[2]

Discrijhaedje candjî

Il est gris; li måle est rodje sol gavêye, et a ene rodje calote.

Vicaedje candjî

Dimorances candjî

I dmeure el Walonreye, dins les bwès di l' esté, mins i rvént voltî dins les håyes di l' ivier.

Nourixhmint candjî

I magne des grinnes di såvadjès plantes, dins les crompires.

Si no e walon provént do lén, pask' i magne voltî les grinnes di lin.

Si ptit no e latén (cannabina), c' est pask' i inme bén les grinnes di tchene, avou.

Mopliyaedje candjî

Onk des prumîs a s' acopler å bontins.

Aclevaedje candjî

Cwand on l' mete dins ene gayole, i dvént rade tot mannet.

Hårdêyes difoûtrinnes candjî

Sourdants candjî

  1. Po tos les nos e walon, et leus accints, loukîz al notule ALW 8 54.
  2. Notule A.L.W. 8.63. et mape 8.38.