Drovi l' mwaisse menu

Les mintreyes da Monsieu Moulot (fime d' imådjes)

(Redjiblé di Les mintreyes da Monsieu Moulot)
Monsieu Moulot ki cod des xhiletes

«Les mintreyes da Monsieu Moulot» ou «li rate mintrece», e francès, "le mulot menteur", c’ est on fime d’ imådjes da Andrea Kiss, ene cineyasse hongrwesse, k’ a moussî foû e 2009.

Il a stî ratourné e walon e 2012. C’ est Guy Fontaine k’ a acvierné l’ pordjet, et c’ est ses soçons k’ ont prusté leu vwès : Victor George a fwait l’ Rate, Jean-Luc Fauconnier, li Rnåd, André Capron a prins l’ role do Leu, Guy Fontaine lu-minme, do berå, et Cécile Liégeois, li feme Moulot.

Persounaedjes et accints del modêye e walonCandjî

Li bassî n' comprind nén l' mot «dicåce» da Moulot; por lu, c' est l' fiesse

Mins, po n’ pont fé d’ djalot, gn årè cénk persounaedje, tchaeke berdelant avou si accint. Ça fwait ki Monsieu Moulot cåze avou l’ accint d’ Nameur ; li Rnåd dvize avou l’ ci d’ Tchålerwè ; li Leu sprekele e borin (c’ est nén do walon, c’ est do picård, mins on n’ est nén a ene barbôjhe près) ; li Bassî djåze lidjwès et l’ feme del Rate påle e gåmès.[1]

Boket foû do scripCandjî

« Ké wachotaedje dins m’ batea volant ! Dj’ adouye li conteur : céncwante meye miyårds... céncwante-deus meye miyårds !
Tins d’ ene sigonde, dji n’ oize avizer k’ les ptitès loumires di mi éndjole. Pu, d’ on côp, so rén d’ tins, dji carcule mi voye po n’ nén aler buker so ene sitoele. Oufti ! Nén åjhey di carculer insi, cwand vos catournikez di tos vos pus rade etur des meye et des meye di ptitès stoeles...»[2]

Hårdêyes difoûtrinnes

SourdantsCandjî

  1. Li Rantoele l° 63, waeyén-tins 2012
  2. Li minme tecse e sistinme Feller sol waibe do fime