Les avinteures da Ray Hure (live d' imådjes)
Les avinteures da Ray Hure (Lès-aventûres di Ray Hure), c' est on live d' imådjes sicrît pa Jean Goffart, avou les dessinaedjes da Jacques Raes.
Il a vudî e 2000.
Mwaissès dnêyes
candjîLi mwaisse persounaedje, c' est Raymond Hure, ki si acourtixhaedje dene "Ray Hure", on djeu d' mot avou Rayure (royeure), li dessén del pea des zebes. Les Zebes, c' est li spotaedje di l' ekipe do "Spôrtigne di Tchålerwè".
Li live a stî aspalé pal veye di Tchålerwè, a l' ocåzion di l' Uro 2000. Li live a stî saetchî a 1200 egzimplaires, ene pårteye po-z ofri ås Gros Colés k' estént priyîs pal Veye ås pus clapants matchs di l' Uro 2000.
C' est totès ptitès spoûles a vey avou li Spôrtigne di Tchålerwè, avou on dessén a hintche. Insi, c' est come ene shûte des "Avinteures de droles di zebes".
Adrovaedje
candjîGn a bén cénk adroveus pol live : Jean-Pol Spaute, prezidint do Spôrtigne di Tchålerwè, Jacques Van Gompel, mayeur di Tchålerwè, Claude Despiegeleer, scabin des spôrts, Émile Lempereur, sicrijheu e walon, di l' ALWAC, et Dante Brogno, on djouweu å Spôrtigne.