Les Crapådes (binde di tchanteuses)

a Chevri (måss 2017)

Les Crapådes (oficirmint, a môde francesse, La Crapaude), c' est ene binde di cwate tchanteuses sins instrumints, k' ont rprins bråmint des viyès tchansons e walon, et ls arindjî a leu môde.

Ele si siervèt djusse d' ene tåve po-z rafoirci li tipetape des tchansons.

Nos crapådes si lomnut Sabine Lambot, Pascale Sépulcre, Marie Vander-Elst eyet Charlotte Haag.

IstwereCandjî

Ele s' ont rashonné e 2013, dimorant tertotes a Bouxhonveye. Mins ene n' ont cmincî a esse kinoxhowes pus lådjmint k' e 2015, la k' elle fijhît on concert a Rotchfoirt po èn ocupaedje coinrece del Fiesse ås lingaedjes walons.

A dater di 2016, ele fourît aspalêyes pal province di Nameur.

e 2017, ele vont fé li concert di fén del Fiesse ås lingaedjes walons a Nameur. C' est la k' ele sitrimèt leu prumire sitroete plake.

PlakigrafeyeCandjî

E 2017, elle rexhnut leu prumire plake, «A tot spiyî», avou l' aidance da Joëlle Spierkel eyet Xavier Bernier, ki scrijhnut tot on live avou les muzikes, les cåzaedjes, eyet on diswalpaedje sicolrece po tchaeke tchanson.