Joseph Zabeau

I gn a co pont d' imådje dizo licince libe so les Cmons. Si vos nd avoz ene po nozôtes, eberwetez-l' vaici, et merci co traze côps.

Skepiaedje	3 di djulete 1901, Lidje
Moirt	1979, Lidje
Nåcionålité	Bedje
Activités	mwaisse pondeu

WIKIDATA

Joseph Zabeau, c' esteut on pondeu k' aveut nexhou a Lidje, li 3 d' djulete 1901. Il est revoye e 1978, todi a Lidje.

Il esteut dintisse di s' mestî.

Biyografeye

Il aveut comincî a ponde po s' plaijhi a môde di «pondeu do dimegne»; sapinse a lu.^[1]

Mins ç' côp la, il ala a ene sicole di shijhe a l' Academeye des Beas Årts di Lidje.^[2] Avou ça k' i s' ala amidrer å libe ovroe da Paul Daxhelet, ene miete divant l' Deujhinme guere daegnrece.

Il aveut eto rescontré Marcel Caron ey Edgar Scauflaire. Ces deus omes la, foiravant Edgar Scauflaire, ont bråmint fwait po lyi fé amidrer ses ovraedjes.^[3]

Joseph Zabeau a sovint håyné ses ovraedjes e Lidje, ey dins l' restant del Walonreye. Mins eto, e Rweyåme-Uni u co e-n Almagne e 1945 ey après.^[2]

C' esteut ossu onk des askepieus del troke d' årtisses «10 Pointes et Brosses»", e 1949.^[4]

Il a rprezinté l' Beldjike pol pondeure a l' espôzucion eternåcionåle di São Paulo (Braezi), deus ans après.^[5]

L' anêye shuvante, il a distelé. Mins il a rçû el Prix de la consécration de la ville de Liège.

E 1972, i dmoreut sovint do costé del Provance, mins i daleut eto voltî ôte pårt e l' France, u co el Sipagne.^[6]

I fjha s' dierinne båye sacwants djoûs dvant l' drovaedje d' ene espôzucion erirece (rétrospective) metowe so pî på Rweyå Cerke des Beas-Årts di Lidje.

Ovraedjes

I gn a pus d' 600 ovraedjes da lu, k' on kinoxhe. I gn a sacwants å Muzêye di l' årt walon ey å Palå des espôzucions di Lidje.

Il a todi pondou po lu-minme eyet bråmint d' ses pondeures èn sont nén sinêyes.

Ses ovraedjes ont-st ene avuzion vraiymint optimisse tot rwaitant leus sudjets.

Ses ouves sont rindjeyes etur l' ideyalisse ey el reyalisse.

I bouteut avou on coutea, sovint so des deurs soûmints.

Ricnoxhance

Bistocaedje

1962 : Prix de la consécration de la Province de Liège.

Corwaitaedjes

Des corwaitaedjes di ses ouves ont stî scrîts e francès pa Edgar Scauflaire eyet Jacques Hendrick.

Sourdants

↑ Goijen, J. (2004). Le maître de céans. L’École Liégeoise du Paysage.
↑ ^2,0 et ^2,1 http://balat.kikirpa.be/peintres/Detail_notice.php?id=6087
↑ http://balat.kikirpa.be/peintres/Detail_notice.php?id=6087
↑ Les ôtes askepieus, c' estént : Georges Comhaire, Jean Debattice, José Delhaye, Jean Donnay, Marceau Gillard, Albert Lemaître, Robert Liard, Flory Roland eyet Edgar Scauflaire (Depouhon, G., Depouhon, M.-C., & Somville, P. (1992). Le Cercle royal des Beaux-Arts de Liège 1892-1992, Crédit Communal, 128).
↑ La k' gn aveut ds ôtes pondeus bedjes come : Paul Delvaux, René Magritte u core Constant Permeke (https://www.artist-info.com/users/artsitpublicpagewithoutportfoilo/295484)
↑ Goijen, J. (2004). Le maître de céans. L’École Liégeoise du Paysage.

[:4-1] Goijen, J. (2004). Le maître de céans. L’École Liégeoise du Paysage.

[:3-2] 2,0 et ^2,1 http://balat.kikirpa.be/peintres/Detail_notice.php?id=6087

[:0-3] ttp://balat.kikirpa.be/peintres/Detail_notice.php?id=6087

[4] Les ôtes askepieus, c' estént : Georges Comhaire, Jean Debattice, José Delhaye, Jean Donnay, Marceau Gillard, Albert Lemaître, Robert Liard, Flory Roland eyet Edgar Scauflaire (Depouhon, G., Depouhon, M.-C., & Somville, P. (1992). Le Cercle royal des Beaux-Arts de Liège 1892-1992, Crédit Communal, 128).

[5] La k' gn aveut ds ôtes pondeus bedjes come : Paul Delvaux, René Magritte u core Constant Permeke (https://www.artist-info.com/users/artsitpublicpagewithoutportfoilo/295484)

[6] Goijen, J. (2004). Le maître de céans. L’École Liégeoise du Paysage.

[1]

[2]

[3]

[4]

[5]

[6]