Jean Dessard

Jean Dessard

I gn a co pont d' imådje dizo licince libe so les Cmons. Si vos nd avoz ene po nozôtes, eberwetez-l' vaici, et merci co traze côps.

Skepiaedje	6 di djulete 1874
Moirt	1956
Activités	scrijheu

WIKIDATA

Jean Dessard, c' esteut on scrijheu e walon do payis d' Lidje.

Il a skepyî li 6 di djulete 1874 å hamtea d' Pontisse (Hesta). Il a morou e 1956.

Di s' mestî, il esteut årmurî.

Ouve pol walon

I scrijha si prumire paskeye, «Les Leus», a 17 ans.

Dispu 1896, i fjha pårteye des soces pol walon. E 1903, i moussa e Cåvea lidjwès, et nd esse vice-prezidint di 1922 a 1928. Il intra e l' SLLW e 1929, et-z î divni l' cwårlî.

I scrirè dins totes les gazetes e walon d' après Lidje, Li Clabot, Li Spirou, Li Ptit Lidjwès et Li Spritche. C' est lu, cåzu tot seu, ki minténrè «L' Clabot» vicant, disca l' moirt di si directeur-imprimeu, Louwis Tilkin.

Ses ouves sont spårdowes ene miete tocosté: divins les BSLLW, dins les anouwaires des diferinnès soces di scrijheus d' Lidje ossu bén ki divins l' årmonak Matî Lansbert.

Il a-st eplaidî on live, D' ene coxhe so l' ôte, avou des arimés et des tchansons, k' a vudî e 1939. Il a lu-minme compôzé des muzikes po ses tchansons.

Il a eto scrît sacwants pîces di teyåte:

• Nanete (comedeye, 2 akes, 1895)
• Les deus tindeus (operete, èn ake, 1896)
• Trimelinne (comedeye, èn ake, 1897)
• Li baron d' Rossini (comedeye, èn ake, 1898)
• Li bouneur vole (comedeye, èn ake, 1899)

Come eplaideu, il a rashonné ene antolodjeye so les fjheus d' arimés di Hesta.