Yves Paquet

Yves Paquet (e walon ci sereut Ive Påket) a vnou å monde e 1953 et a morou tot djonne e 2004.

(e 2002)

C' esteut on scrijheu e walon, copurade di tuzêyes et d' prôze nén racontrece.

Ouve pol walon

Coviete del plake «Dè l'poûde di vîy tchinis'»

Il a vudî ene ramexhnêye di ses scrijhaedjes «"Ya basta", et vos nd åroz» e 2000. Ci fourit li prumî limero del coleccion Belès Letes del Rantoele.

Sacwants d' ses tecses la, les cis k' ont-st a vey avou l' Amerike nonnrece, ont stî eredjistrés so ene plake lazer, lomêye Wallatino.

Yves Paquet fourit l' askepieu et l' produjheu des emissions "Kè diss ?" al tévé coinrece di Djiblou (1999-2004). E 2003, i fjha-st on rapoirtaedje so les Walons do Wisconsin, et ndè saetchî ene plake lazer: «Dè l'poûde di vîy tchinis'».

Il a stî eto prezidint del S.N.R. Li Rantoele di 1998 a 2002, et mwaisse adjinçneu des Soçnaedjes di Djiblou. E 2003-2004, i fourit prezidint del S.N.R. Li Chwès.

Ses scrijhaedjes e walon ont parexhou dins Li Rantoele gazete eyet Li Chwès.

• 
  avou l' minisse Valmy Féaux
• 
  Coviete del plake Wallatino

Hårdêyes difoûtrinnes

• Li Wiccionaire si rsieve di sacwantès fråzes da Yves Paquet po-z enimådjî des mots k' i gn a.
• Ene pådje di ses scrijhaedjes (so l' Aberteke)