Henri Lerutte

I gn a co pont d' imådje dizo licince libe so les Cmons. Si vos nd avoz ene po nozôtes, eberwetez-l' vaici, et merci co traze côps.

Skepiaedje	1910, Jauche
Moirt	20 di decimbe 2006
Activités	scrijheu

WIKIDATA

Henri Lerutte a skepyî e 1910 et mori li 20 di decimbe 2006. I provneut d' Djåce. Mins dins ses vîs djoûs, il a dmoré al Wadrindje, pu a Maret.

Di s' mestî, il esteut contåbe a Brussele.

Ouve e walon

I fourit prezidint des Såverdeas d' après Djodogne di 1980 a 2006. Cwand i rlijheut les bokets des scrijheus, il esteut eto foirt ratniveus po lzî mostrer k' il avént må tourné leus fråzes, et fé kékès flotches.

C' esteut on grand disfindeu do walon. Il esteut mimbe des Relîs Namurwès (dispu 1970) et mimbe askepieu des Romans Scrijheus.

Il a toirtchî des cints d' arimés so totès sôres di sudjets. Ses scrijhaedjes fourît eplaidîs dins l' Noer Boton eyet dins l' Såverdea. I scrijheut eto dins "L'Aronde", en pitite gazete d' après Haneu.

Come di djusse, il a stî relî dins les antolodjeyes antolodjeyes des scrijheus do Roman Payis "Nos Campagnes" eyet "Vey Voltî".

Alére

Sipitch ki Andrée Flesch a lî a l' etermint da Henri Lerutte, Lë Sauvèrdia, l° 242, fevrî 2007.

Hårdêye difoûtrinne

Si pådje so l’ Aberteke
Li Wiccionaire si rsieve di sacwantès fråzes da Henri Lerutte po-z enimådjî des mots k' i gn a.