Håre (viyaedje)

Pol discramiaedje des årtikes avou l' mot « Håre & håre », loukîz cial.

Håre (F. Harre), c' est èn ancyin ptit ban del Walonreye, rebané avou des ôtes viyaedjes po fé l' novele rebanêye comene di Manhé, el province do Lussimbork.

Banire pol walon el såle di Håre

Mwaissès dnêyes

• Limeros del posse :
  • asteure : 6960
  • davance : 4082
• Limero diyalectolodjike : Ma 13.
• Arondixhmint : Måtche-el-Fåmene
• Lomaedje et spotaedje des djins :
  • Lomaedje : Hårwès, Hårwesse; (F. Harrois, oise)
  • Sipotaedje: les Hårkeas (Hårkês, F. Harkay).

No di des plaeces di Håre

Hamteas

• Bwès d' Håre (F. Bois-de-Harre)
• li tchamp d' Håre (F. Champ-de-Harre)
• li Deus-ris (F. Deux-Ris)
• li Fagne (F. Fagne)
• li Fayis (F. Fays)
• al Rotche å Frinne (F. Roche-à-Frêne)

Istwere

Les teres di Håre rilvént bråmint del signorreye di Derbu.

E 1634, li viyaedje fourit distrût et broûlé pås Holandès.

Rilidjon

L' abeye di Vå-Sint-Lambiet î aveut ene cinse, et gn aveut eto èn ermitaedje å Fayis, wice k' on bastixha ene tchapele, pu l' eglijhe Sint Antoenne.

Industreyes

Gn a on sourd d' aiwe, metowe e botaye e 19inme sieke.

Fornea, pu foidje et platinreye al Rotche å Frinne dispu 1508

Maca å Deus-Ris (1530-1560).

Tuzance walone

• Sicrijheus e walon
  • Marcel David (powezeyes)
  • Henry Hardenne (teyåte)
• Dramatike "Les côpeus d' pemes" (côpeus d' pomes).