Gonri

Gonri (F. Gonrieux), c' est èn ancyin ptit ban del Walonreye, rebané avou Couvén, el Province di Nameur.

L' eglijhe Sint-Djôr avou s' clotchî

Mwaissès dnêyes

• Limeros del posse :
  • asteure 5660
  • davance : 6411
• Limero diyalectolodjike : Ph 83.
• Arondixhmint : Flipveye
• Dimorants : 1.069 (1910).

No d' plaeces di Gonri

Hamteas

• li Fond d' l' Aiwe
• li Bårire
• li Poyinne
• li Tchåfor (la-minme : Tchafoûr) : inte Gonri eyet l' Bårire.

Istwere

Gonri, c' esteut onk des viyaedjes di l' abeye d' Lobe (869).

I fourit rmetou avou Couvén pa les contes do Hinnot.

Cwand l' dominne di Couvén est vindou å prince-eveke di Lidje (1069), gn a on tîce ki dmeure då signeur di Viepe, ki lzès dene å moustî d' Mont-Coirniyon (1143). Mins e 1203, les moennes li rvindèt å prince-eveke.

Li 25 di fevrî 1655, les djins sont-st atakés på sôdårds Irlandès del wårnijhon d' Rocroyî (. Les dmanants s' rassåvèt dins l' eglijhe. Les sôdårds sont retchessîs eviè Baileu pås djns do prince-Eveke. A 10 disconte di 1000, ça n' pout esse ki sint Djôr k' els a schapé.

Li hamtea do Presgå a stî distaetchî di Gonri pal lwè do 31 di djulete 1923.

Djeyografeye

Li ri d' Inne prind sourd å Presgå, passer pa Gonri et s' taper dins l' Noere Aiwe nén lon di Couvén.

Economeye

E 1946 arive a Gonri on lomé Charles Bastin. I fwait monter ene bascoule publike, po pezer l' four, li strin, les biesses, li tcherbon, evnd. E 1949, i drouve on cåbaret, pu ene såle di cinema "Mon loisir".

A vey

Li clotchî d' l' eglijhe Sint-Djôr est classé; i date do 17inme sieke.

Li redjon a-st ossu si Pire ki toûne. On î pout ariver a pårti do viyaedje di Boutonveye (nén lon d' Baileu).