Flaxhaedje des dinrêyes

Li flaxhaedje des grins u l' avadjaedje des dinrêyes u l' ploncaedje des dveres, c' est cwand les dinrêyes d' awousse (ou do hôt four) si coûtchèt dins les tchamps, divant l' awousse.

Flaxhaedje do frumint å long strin

Cåzes do flaxhaedje

Li flaxhaedje est dvu å strin k' est trop tinre, k' a crexhou trop vite pask' il a yu trop d' nitrates, û k' a stî ataké al pate pås criptogames (oyidiom, fuzariôze, pîtin, evnd.) ki l' ont atinri.

S' i vént des grossès plouves avou bråmint do vint, les grins kimincèt pa s' aspoyî et kécfeye flaxhî disk' a tere.

Si l' plouve continowe et ki l' tins est crås, les nichtés vont creche, ey etertini l' crouweur å raeze di tere et les grins vont cmincî a djermer. On dit k' i "djermèt so pî".

A ç' moumint la, pus kession d' les mete å molén u al bressene. Ci n' est pus bon k' po les biesses.

Do tins des prumirès raezetes et loyeuses, si les dinrêyes estént trop flaxheyes, on lzès fåtchive al få.

• 
  (frumint co vete)
• 
  flaxhaedje kiminçant (frumint)
• 
  gros flaxhaedje (frumint)
• 
  gros flaxhaedje (oidje)
• 
  Poes d' Trouk