Grande dewe do foete

Li grande dewe do foete, c' est on formagnant k' atake li foete des roemiants (aprume, les bedots, mins eto les vatches), et ki s' pout atraper des djins.

dewe maweure

Sincieus no d' l' indje : Fasciola hepatica

Famile : courts plats viers (trematodes)

Tournante biyolodjike

Li vier adule si trouve dins les buzetes bîlreces do foete. I va ponre ses oûs, ki vont toumer dins les boyeas, pu ådfoû avou les petales di berbis ou les flates di vatche.

La, s' i fwait crou, on ptit tchalon va disclôre. Mins s' doet i trover ene caracole d' aiwe come elodjeu po porshure si diswalpaedje.

Adonpwis, rexhe del caracole, et s' aler aplaker, a môde di påpå-lôlô après ene yebe, la k' les bedots l' vénront paxhî.

Maladeye

fômes del maladeye

• durante dewlôze : berbis et viyès vatches
• awiyante dewlôze : agneas et djonnes bedots
• foetite grangreneuse : li grande dewe î est coplêye pa ene bactereye

senes del maladeye

• amwinrixhaedje et schite
• aiwlinne dins l' vinte
• sene del botaye : udinme di dzo l' babetch.

• 
  vatche avou l' botaye (fritche)
• 
  tchenås al bîle tinkyîs (a hintche): amer rimpleye (fritche)
• 
  atnaedje do foete avou l' peritoenne dins l' awiyante dewlôze des bedots