Lawri Sint-Toenne

Li lawri Sint-Toenne ou oizire Sint-Toenne ou yebe Sint-Toenne ou cresse di cok ou såvadje flo, c' est ene grande fleur des bwès ki dene des belès fleurs rodje-måve, å moes d' awousse setimbe el Walonreye.

Sincieus no d' l' indje : Epilobium angustifolium (Epilobium spicatum Chamerion angustifolium)

Lomaedjes

manke di lomaedje unike

Droldimint assez, cisse plante la ki crexhe tocosté n' a nén on no unike e walon.

Ortografeye dins les motîs do walon

• sâvadje flox : E9 p. 189
• crèsse du co : E9 p. 189
• law’ri d’sint-Twinne : C89 l° 500
• ozère-di-sint Antwinne : C89 l° 713
• yèbe-di-sint-Twinne: C89 l° 1353

Nén dins : FE1, FC99 (ratindou a "épilobe")

Biyolodjeye

Les grinnes ont des houpetes a môde di paracheute, po voler evoye. A l' erî-såjhon, cwand i ploût, les houpetes des grinnes si vôtièt åtoû des pos d' avoenne. Cisse rujhe la, c' esteut divinltins el Hôte Årdene, la k' l' awousse des dinrêyes est tårdowe. Cwand on bateut l' avoenne po l'amagnî des djins, i faleut "prinde onk après l' ôte ci tchinisse la evoye.