Egne (Hamtea di Djumet)
Egne, ubén Hegne, ([FR] Heigne), c' est l' hamtea l' pus coûtchantrece di Djumet. Egne est eto l' no då bwès k' est e ç' hamtea.
Toponimeye candjî
Li mot « Egne », kécfeye scrît inla « Hegne », vént do latén : Hunia Castellum. Li prumî mot latén vént do lingaedje cele. Li mot « Castellum » n' vout nén dire « tchestea », mins bén on « tchession ».[1]
Djeyografeye candjî
Bwès candjî
Come on l' pout vir sol mape e vete padzo, gn a on bwès èç hamtea la. Il a l' minme no k' el hamtea. Li RaVeL L119 passe didins po raloyî El Rou-dlé-Tchålerwè å Tchif-leû.
Dzo-hamtea candjî
C' est dins ci hamtea ci k' on ritrove eto li dzo-hamtea do « Spinoe ». Ci no la, c' est ossu l' no d' ene åbete.[2]
Mape candjî
Plaeces candjî
I gn a deus plaeces a Djumet Egne. Li prumire, c' est l' plaece Jules Francq k' est l' pus grande eyet l' ôte, c' est ene plaece sol rowe di Mont, k' est ene rovoye. C' est dins ç' dierinne k' on-z ertrove li Tchapele k' on voet sol foto padzo.
Tuzance candjî
Cist edroet ci est impôrtant pol Toû del Madlinne. Ci fiesse la, c' est ene måtche crustinne di l' Eter-Sambe-et-Mouze. Come di djusse, c' est l' pårtaedje ey el arivêye del måtche do dimegne. Asteure, l' edroet do pårtaedje eyet l' ci d' arivêye c' est puvite l' plaece Jules Francq ; mins dvinltins, c' esteut dvant li Tchapele Notru-Dame d' Egne. Ewou çk' on fwait l' messe dvant d' comincî a roter ci djoû ci.
Economeye candjî
Gn aveut, disk' e 2006, el Brasserie de l'Union, mins elle a seré l' ouxh.[3]
Referinces eyet sourdants candjî
- ↑ Robert Arcq, , Spites, 1988, 132 p., p. 125
- ↑ https://www.letec.be/Content/Uploads/PDF/Plans%20du%20r%C3%A9seau/CH/2021/TEC_Charleroi_2021.pdf
- ↑ https://www.telesambre.be/index.php/131213-jumet-heigne