Dramatike walone di Veskeveye
Cercle Wallon Vesquevillois
Li Dramatike walone di Veskeveye (ki s' no est dné e francès : Cercle Wallon Vesquevillois), c’ est ene dramatike di Veskeveye.
Istwere
candjîElle a stî ahivêye e 1988 pa Willy Leroy, k' end esta l' prezidint, et ki dmeure li ratourneu des pîces francesses e walon. Li role di mwaisse del djowe a stî rprins pa Georges Lessuisse ki dvént prezidint e 2009. Li prezidince passe a on pus djonne acteur, Maxime Lagasse, e 2017.[1]
Il ont cmincî pa des coûtès pîces, pu des pus longues. Adon fé des cåbarets walons. Pu djouwer do Christian Derycke, pu do Feydeau, ey eto do Pierre Chesnot. Todi des comedeyes.
E 2018, so 30 ans d' vicance, il ont conté awè monté 38 pîces, djouwêyes 163 côps pa 38 comedyins, çou k' a fwait 4800 eures di dvant-rdijhaedje (repetaedje). Les spectåkes ont stî veyous pa 27.000 riwaitants.[2]
Il ont pårticipé al Cope do Rwè e 2016 (et fé troejhinmes) pu e 2017 (et fé deujhinmes). Et al difén, el rascode e 2018 avou «L' otel est rimpli».
-
Afitche d' on Derycke (On dit k' les manaedjes ni vont pus (2008) -
Djouwaedje d' on Derycke (2012) -
do Feydeau -
Djouwaedje d' on Pierre Chesnot (2018) -
pareymint -
sifwaitmint -
intrake avou les comedyins (2018)
Manire d' ovrer
candjî
Å cmince, i loukèt les acteurs ki volèt bén djouwer ciste anêye la. Tos les comedyins vinèt do viyaedje di Veskeveye.
Adonpwis, gn a ene troclete di troes djins (Claire Paulet et deus ôtes) ki lijhnut ene cénkinne di pîces e francès. Pu relére ene did zeles. Après çoula, c' est Willy Leroy ki ratoûne e walon, avou l' accint d' Veskeveye, mins tot cwerant des beas mots ôte pårt (ricwerance...).[3]
Li ratournaedje et les djeus d' sinne sont todi foirt près del mwaisse pîce (on dmeure el France cwand l' mwaisse accion si passe vaila, et wårder l' francès po sacwants persounaedjes egzotikes, come les Swisses).[4]
Sol sinne, on havtêye voltî des mots walons po mostrer les intrêyes et rexhowes.
Hårdêyes difoûtrinnes
candjî- On dit k' les manaedjes ni vont pus
- Kiminçmint del pîce (djouwêye pal dramatike di Veskeveye)
- Shûte del pîce et responda des djouweus
- Efirdjî (un fil à la patte) (da Georges Feydeau)
Sourdants
candjî- ↑ Programe del pîce «L' ôtel est rimpli» (2018)
- ↑ so on ptit cwårton a môde di cwåte di vizite, diné a l' intrêye del pîce e 2018.
- ↑ Responda del trope ramexhné pa Lucyin Mahin, li 18 di måss 2018.
- ↑ årvier d' ôtes redjårbaedjes des minmès pîces e walon, metans «L' ôtel est rimpli» pa Philippe Decroo