Disambig.svg Pol discramiaedje des årtikes avou l' mot « Djåzrene », loukîz cial.

Wiktprintable without text.svg

Po des linwincieusès racsegnes sol mot "djåzrene", alez s' vey sol Wiccionaire

Li djåzrene[1], c' est on djaene moxhon foirt corant dins les bouxhnisses et les paxhis.

Strnad.jpg

Sincieus no d' l' indje : Emberiza citrinella

DiscrijhaedjeCandjî

Li måye di djåzrene a ene djaene tiesse, avou des brunès royes. Li djaene ridischind sol gavêye.

Li croupion est clair bron.

Les plomes di viernaedje sont blankes.

Li frumele et les djonnes n' ont nén tant des coleurs et sont pus roylés.

VicaedjeCandjî

 
Spårdaedje

Li djåzrene si rescontere purade la k' i gn a des åbes et des bouxhons nén trop spès: djårdéns d' plaijhance, orire des bwès, clairisses.

E l' ivier, on l' voet eto dins les tcherwaedjes et les semaedjes do waeyén-tins.

C' est on dmorant e l' Walonreye et dins ene grande pårteye di l' Urope. I n' est iviernant, sins î acover, k' ezès payis del Mîtrinne Mer (Espagne, Itåleye, Grece, Tourkeye) ey e l' Mîtrinne Azeye).

Foû do poirtaedje å ni et l' acovåjhe, on l' pout rescontrer pa volêyes, maxhîs a des ôtes moxhons.

Ele pepeye al tere (come les pénsons) et nén dins les batchs ås grinnes (come les mazindjes).[2]

Ele mousse co voltî e l' aiwe po s' î bagnî.

SourdantsCandjî

I gn a so les cmons Wikipedia des imådjes ou fitchîs son a vey avou les djåzrenes .
  1. Po tos les nos e walon, et leus accints, loukîz l' ALW al notule 8 67.
  2. B. Bruun & A. Singer, Tous les oiseaux d' Europe, Elsevier, Brussele, 1973, p. 294.