Jacques Warnier

scrijheu e walon et bouteu pol lingaedje, inspecteur des scoles di walon e l' province di Lidje
(Redjiblé di Djåke Wårnî)

Jacques Warnier (e walon, Djåke Warnî), c' est on scrijheu e walon do Payis d' Lidje, mins ki s' famile vént di Werisse.

(2006)
(2014)

I vna å monde (a Lidje) li 6 di may 1959.

Il a stî relî dins l' Antolodjeye Scrire.

Di s' mestî, il esteut mwaisse di scole, et fé sovint des spectåkes e walon avou ses scolîs. Diviè 2010, i fourit lomé inspecteur po les scoles di walon dins l' Province di Lidje.

Jacques Warnier est l' fré da Jean-Marie.

Ouve pol walon candjî

Il a amonté des bates di scrijhaedjes di pîces di teyåte so on djoû.

E 1989, il eplaide å CRIWE on live d' imådjes avou onze noveles ki s' passèt e mitan d' l' Årdene, Faxhene.

E 2013, i rexhe ås eplaidaedjes «Odace» ene novele, «L' efexhaedje».

Il a siné onk des bokets do live Voyaedje ezès payis d' oyi (2015).

I djowa l' role di l' esprindeu d' lampes dins l' pîce Roland Thibeau «Li ptit prince» (2016).

E 2020, il a rprins ene tchanson francès-cåzante e walon lidjwès : Didjuner e påye.[1]

E 2021, il eplaide on roman, Fåvnale, scrît avou ses schoûtant di l' emission e walon «Li sîze walone».

Hårdêyes difoûtrinnes candjî

Sourdants candjî

  1. (fr) årtike sol waibe di l' RTBF