Come on bribeu ki cache ès voye (arimés)

Come on bribeu ki cache ès voye (Come in bribeû qui cache ès´ voye), c' est on live di priyires sicrît pa Robert Arcq ey eplaidî dins l' coleccion do Bourdon, ey eplaidî e 2001.

Sacwants dnêyes

Mins li ramexhnêye di tecses date di 1979, sorlon l' adrovaedje da Marguerite Arcq-Biernaux. Mins les eplaideus ont radjouté sacwants tecses ki Robert Arcq aveut leyî dins ses papîs divant d' end aler.

C' est des priyires k' on stî sovint lîtes dins des messes e walon.

Li tite vént do prumî tecse.

Tecse do prumî arimé

Come on bribeu ki cache ès voye

Nos stans come des bribeus

Sins baston ni muzete

Mwins vudes et bresse schoyants

Bribeus d' amisté

Bribeus d' bouneur

Ki s' è vont, tiesse baxheye, tot seus so les pavêyes

Sins vir k' el solea lût

Rotant sins rlåtche al cache do bouneur

Sins sondjî k' i n' årént k' a lever leus iys

Po l' trover al poirtêye di mwin

Tchôd et lujhant come ene poere meure

Pôves omes si moudris et si scrans

K' i n' savnut sinte ene mwin pezer so leu-n espale

K' i n' savnut pus etinde ene vwès a leu-n oraye

K' i n' savnut pus vir lure l' estoele...

Pôves omes ki vont tiesse abaxheye

Come on bribeu ki cache ès voye