Priyire

Ene priyire, c' est ene dimande fwaite a ene foice dizeutrinne ki l' priyeu î croet, po dmander ene sacwè u djusse intrer e-n atôtchance avou ç' tolu la.

Dins l' rilidjon crustinne

Wice et cwand

On preye e l' eglijhe, mins eto e s' måjhon, u dins ene tchapele, divant ene potale, ene posteure di sint, evnd.

Li ptit cwatrucime do 20inme sieke dijheut:

Cwand nos fåt i priyî?

I nos fåt priyî sovint, mins aprume å matén ey al nute, divant et après les eurêyes, tot s' metant a l' ovraedje, di tolminme kéne impôrtance eyet cwand on-z est temté u k' on est dins ene riskeuse sitouwåcion.

Les moennes, zels, ont des priyires a tinzayeure.

Loukîz a : priyires del djournêye#Po les crustins

A kî?

Les priyeus azès posteures ont stî baltés pa les nén-creyants. Mins l' creyant respond d' on spot walon:

Li priyire ni va nén å bwès.

E 20inme sieke, les ptitès djins catolikes di Walonreye priyént coranmint les sints, tchaeke di zels po ene råjhon a pårt. Metans:

• Sint Antoenne di Padowe po rtrover ene sacwè k' on-z a pierdou
• Sint Cristofe divant d' fé on voyaedje.

Sacwants rlomêyès priyires

• Nosse Pere (priyire)
• Bén l' bondjoû, Mareye (priyire)

Dins l' rilidjon muzulmande

Loukîz a : Priyire muzulmande