Li codjowaedje di "piede", c' est on codjowaedje des viebes del 5inme troke, dilérin do ci di ratinde. Tos ces viebes la ont-st on R divant l' D dins l' parintaedje et l' etimolodjeye, k' a fondou dins l' infinitif, di cåze del rîle do Displouctaedje des trokes di cossounes å coron.

I rshonne don å codjowaedje wårder des viebes del prumire troke, po s' bodje A, et å codjowaedje siervi del minme troke di viebe, a pårt e l' indicatif prezintrece singulî.

Mwaissès piceures candjî

L' adire avou l' codjowaedje di "ratinde", c' est li rispitaedje d' on R etimolodjike sol bodje A.

Li bodje B wåde li -de a l' indicatif prezintrece si li sfwait mot francès a on coron avou -RDRE.

dji piede
nos pierdans
ki dj' piede

Viebes ki shuvnut "piede" candjî

Dins les walons coinreces candjî

Li codjowaedje e rfondou shût li ci do walon do Mitan, po l' indicatif prezintrece singulî. Loukîz å modele 64 ("stwade") ezès codjowaedjes Gilliard. L' adire est djusse ortografike, la ki li mîtrin walon wåde li scrijhaedje do halcrosse D.

Pol walon do Levant, sacwants viebes si cmoennèt come e rfondou. C' est l' modele 82 des Codjowaedjes Stasse ("spåde"). Des ôtes k' i gn a wårdèt li prononçaedje do D a l' indicatif prezintrece singulî (modele 83, "piède", dji pièd´).

El Basse Årdene, c' est li R k' est wårdé a l' indicatif prezintrece singulî. Waitîz l' modele 142, 143 dins les Codjowaedjes Francard ("piède", dju pièrd; "mwade", dju mward). Si rfondèt eto come "piede" les modeles 144 et 145 da Francard ("demôrde", k' a wårdé ene dobe cossoune a l' infinitif; "soûde", ki s' codjowe a môde di Lidje (dju soûd’).

E Coûtchant walon, so Nivele, todi, ces viebes la wårdèt li dobe cossoune a l' infinitif et a l' indicatif prezintrece singulî. Loukîz l' croejhete aclote da Joseph Coppens p. 121. ("dèspârde", djè dèspârde). Gn a la eto dèstoûrde" (distoide), èspârde (spåde), èstoûrde (stoide), toûrde (toide) et èrtoûrde (ritoide). Mins "pièrde" shonne shuve li rîle di toumaedje des deus cossounes a l' indicatif prezintrece singulî, ca il est metou dins l' djivêye di viebes ki s' codjownut come "coude" (codjowaedje ratinde).

Hårdêyes difoûtrinnes candjî