Codjowaedje ratinde

Li codjowaedje di "ratinde" si rashît sol codjowaedje des viebes del 5inme troke.

Cwand gn a on R divant li D, on rtome sol codjowaedje piede.

Mwaissès piceures do codjowaedje

Li bodje B, c' est ratind (li D dimane sicrît).

dji ratind

ti ratinds

i, ele ratind.

Mins, adon, dins ene fråze dimandrece, i fåt ene lete di beloyance -t

ratind-t i (ele) ?

Dins l' cogne dimandrece di l' atôtchî camaerådrece, li D tchait.

etinss li tchén ki hawe.

Dins les viebes avou l' coron -de, gn a des cis ki shuvnut nén l' codjowaedje di "ratinde" å singulî di l' indicatif prezintrece, mins k' ont on R + Cossoune å coron : come "piede".

Des ôtes viebes avou "R + De" e leu bodje A ni shuvnut ddja "ratinde" å singulî di l' indicatif prezintrece : come "piede".

Pol prumire djin di l' indicatif prezintrece, li codjowaedje di "ratinde" rishonne å ci di "sinti" (dji sint).

Istwere do codjowaedje

E Feller ces codjowaedjes la ont stî scrîts avou cwate corons possibes, tchaeke eployî pa ene metowe sicole

• dji ratinds
• dji ratins
• dji ratind
• dji ratint

Viebes ki shuvnut "ratinde"

• viebe avou l' coron -inde : tinde 1, tinde 2, plinde, prinde, et les parints (stinde, ristinde, distinde, atinde, etinde, evnd.
  • prinde, et ses parints (comprinde, aprinde, esprinde, evnd.) ont-st on dobe codjowaedje; li prumî codjowaedje shût l' modele di "ratinde").
• code, rascode
• spåde, rispåde

Parintêye des viebes avou on coron "-de"

Li svierba si fwait sovint avou -TE

• tinde (mete e coleur) => tinte
• s' etinde => etinte
• atinde => atinte
• plinde => plinte
• piede => piete
• dischinde => dischinte
• crinde => crinte
• rinde => rinte
• finde => finte
• constrinde => constrinte
• vinde => vinte; rivinde => rivinte

Hårdêyes difoûtrinnes

(so l' Aberteke)

• Tåvlea d' codjowaedje di "ratinde"
• Tåvlea d' codjowaedje di "code"

(sol Wiccionaire)

• Viebes di cisse sôre la dedja studyîs