Clavea (maladeye des bedots)

Li clavea u noerès plokes ås bedots ou co volantès plokes ås motons), c' est ene maladeye des bedots ki s' prind foirt åjheymint.

Noerès plokes cåzêyes pa èn eplocta nén assez mwaistri

Damaedjes å cmince: rodjeurs a l' axhele

C' est l' pus griyeuse di totes les maladeyes ås pocvirûsses.

Les noerès plokes ni sont nén les prindåves bocrês, ene maladeye bråmint pus doûce.

Cåze

Elle est cåzêye pa on pocvirûsse, come les noerès plokes ås djins et a des ôtès sôres di biesses.

Minêyolodjeye

Sipårdaedje

Li maladeye n' egzistêye pus el Walonreye, mins î a egzisté dinltins.

Elle est foirt corant e l' Afrike bijhrece.

Acsûjhaedje

Dins les payis la ki l' maladeye est inzotike u la k' on eploctêye a tinzayeure (tos ls ans, tos les deus u troes ans), gn a k' les pus djonnes bedots ki seront acsûts.

Li rascråwance est assez foite; li morance pout aler disca 10 åcint des biesses. Li touwance pout aler disca 50 åcint des malådes.

Aparexhance clinike

Li måladeye va dner des plokes sol tiesse u dzo l' cawe l' cawe ås berbis. Eto ås axheles des bedots. C' est totès plaeces la ki l' pea est fene, sins linne.

Come totes les maladeyes plocreces, on årè po cmincî ene rodjeur, pu ene pitite bouyete, pu on ptit clå ki va souwer po dner ene pitite crape ki va tchaire sins leyî d' traece.

• 
  plokes sol minton d' èn agnea
• 
  Plokes a l' axhele
• 
  Plokes dizo l' cawe
• 
  Plokes dizo l' cawe (agnea)

Espaitchance

L' eploctaedje des berbis et des bedots si fwait tos ls ans, u tos les deus troes ans dins les payis l' ki l' må est inzotike.

• 
  eploctaedje a l' axhele
• 
  botayes avou l' eplocta (setch) et l' aiwe pol dismantchî (pus grandes)