Clairs di lune (tecses)
Clairs di lune (Clérs di leune), c' est ene schôtlêye di tecses (prôzes et arimés) sicrîts pa Henri Van Custsem inte 1915 et 1941.
Li live a stî eplaidî e 1941. Il a stî tot imprimé a l' imprimreye da N.Edg. Piérard a Djilî li 29 di nôvimbe di ciste anêye la.
Li dessén del coviete a stî toirtchî pa Ben Genaux.
Tchaeke des tchaptrês e walon est dvancî pa on ptit motlî des målåjheys mots.
Kitaeyaedje do live candjî
- p. 1: sorcoviete divintrinne : dicåçtêye å "Lieutnant Henri Van Custsem", n° 988, Blok A, tchambe 318 Oflag II A, Prenzlau), çou ki leye a pinser ki li scrijheu esteut prijhnî e l' Almagne nazeye.
- p. 3:coviete divintrinne, avou ene idêye do contnou : fantaisie, vers et prose.
- pådjes 5-10 : Sol tite "1915", gn a la cénk powinmes e francès.
- pådjes 11-33: Sol tite "1920", deus arimés et deus prôzes e walon.
- pådjes 35-46: Sol tite "1930", deus prôzes e walon.
- pådjes 47-54: Sol tite "1940", èn arimé ey ene prôze e walon.
- pådjes 55-76: Sol tite "1941", on long powinme di ût rondeas ("Clair di lune e l' ivier", ki dene li tite å live) ey ene novele (Ey après ?).
- p. 76: Tåve
- p. 77: Ouves do scrijheu.