Charles Josserand

Charles Josserand (e walon Tchåle Djosran), c' est on scrijheu e walon k' a skepyî li 9 di decimbe 1907 et k' a morou li 22 d' setimbe 1999.

I fourit relî dins l' Antolodjeye Scrire.

Di s' mestî, il esteut prof d' umanités, tot dnant on côp d' mwin a l' univ di Lidje la k' il aveut stî assistant, estant djonne.

Ovraedjes pol walon

Come bouteu pol walon, il a cmincî e 1934 tot metant so pî li walon e scole å payis d' Lidje. C' est tot naturelmint k' i divna l' prumî prezidint do CRIWE e 1980. Il a eto scrît des livret d' esplikêyes sol walon e francès come "Le wallon, langue de Wallonie". Et dner des scoles di walon.

Come sicrijheu e walon, i fjha des ratournaedjes do grek et do latén aviè l' walon.

E 1986, il eplaida on «cayé do CRIWE», avou tos des ratournaedjes e walon di scrijheus greks et laténs dizo l' tite: Le wallon au service des muses grecques et latines.

Il a eto rexhou ene ramexhnêye di powezeyes "Råvions d' al vesprêye" (1992). Gn aveut eto sacwants sinnetes divins.

Il a ratourné e walon des bokets di l' Odissêye da Homer.

Il esteut eto on avanciveus, po tot çou ki rwaite li schapaedje del langue walone. Il esteut mimbe del Tåvlotêye rifondaedje di l' UCW. Si a-t i foirdjî sacwants noûmots, pår des cis ki s' ont spårdou lon et lådje come "copinreye".