Tcherdon al glou

Li tcherdon al glou , c' est on tcherdon k' on prind ses raecinêyes po fé del glou (come del verdjale).

fleur et foyes a raeze di tere

raecinêyes disterêyes po-z esse vindowes

Il est fourt epweznant, ses raecinêyes, todi.

Sincieus no d' l' indje : Carlina gummifera (Atractylis gummifera)

Discrijhaedje

Tcherdon ki n' crexhe nén hôt, avou ene rodje-måve fleur.

Grosse raecinêye ki serè disterêye et vindowe.

Epweznante drouke

Elle est lomêye "atractilozide".

Epweznadje

E Marok, ci sereut (ou c' esteut) foirt corant come epweznaedje.

I pout esse accidintrece ou mouderrece.

Epweznaedje accidintrece

Dins les minmès biyonaxhes, i pout crexhe li såvadje årtitchå, k' on pout code po magnî tot djonne. Si brouyî inte les deus plantes pout dner des epweznaedjes.

C' est des côps des efants ki les yerbisses payèt po ene dringuele po råyî les raecenes do tcherbon al glou. I polèt n' nén cnoxhe les risses et magnî des bokets del raecinêye, k' a on ptit soucré gosse.

Epweznaedje mouderrece

Li plante si trouve dins tos les botikes ås yebes ås maladeyes, normåldimint po tchessî les moxhes tot l' ecinsant dins l' måjhon.

Les comeres ki vlét si rvindjî d' onk di leur manaedje è polèt åjheymint mete dins on plat, ene sope, do té, evnd.

Senes di l' epweznaedje

Li djin va toumer flåwe, et des côps, come dins les corwêyes (convulsions).

Senes biyolodjikes

Li livea d' souke e sonk tome a 0,40 g|l, et co moens. Li tinsion rmonte.

Pronostik

Li malåde pout mori. S' el fåt i evoyî a l' ospitå strapanmint.

Les malådes ki schapèt ont co lontins li foete cacame.