On bragård (on djheut ossu on mwaisse djonnome), c' esteut on djonnome k' esteut lomé tchîf del djonnesse. C' esteut lu li mwaisse adjinçneu des fiesses tins d' ene dicåce (fiesse del pårotche).

Astok do bragård, gn aveut eto ene braguete, ki droveut l' bal avou l' bragård (ou l' tchîf des bragårds).

Ovraedjes candjî

I lyi faleut mete so pî : les bals (si les cåbartîs nel fijhént nén). Adon, kécfeye, louwer ene guinguete et trover des violoneus (djouweu d' vierlete divant 1900), acordeyoneus (après 1900), u èn orkesse ki djouwéve eshonne. Motoit î enonder des danses di societé come li danse do ramon.

Mins purade diveut i co mete so pî les tournêyes do mårdi del fiesse (danse del dorêye), et kécfeye les adjierçaedjes foclorikes come li tchesse å wixheu (Hôte Årdene), li pormoennåde del limotche (Basse Sambe).

Mousmints candjî

Lo mwaisse djonnome esteut abiyî come on milôr (costume et crawate) et poirtéve ene cocåde, l' essegne di s' gråde.

Istwere candjî

Les bragårds ont stî lomés pal djonnesse disk' al deujhnme mitan do 20inme sieke. Mins, po les gros viyaedjes, on-z aveut ddja on grope di bragårds, k' a divnou on comitî des fiesses (avou dzartaedje do mot). Li comitî a-st adjinçné des fiesses foû des dicåces oficires. Åzès dicåces, gn a pupont yeu d' pormoennådes foclorikes li londi ni l' mårdi, veyanmint k' les djonnes alént sovint bouter dins des aeurêyès ovraedjes.

A Transene, li dierin mwaisse djonnome a stî lomé diviè 1975.

Rilomêye do no candjî

Li mot "bragård" a divnou on no d' famile del Walonreye.

Rilomés oirteus do no : Hinri Bragård.