Bietris (veye)

Bietris (la-minme "Bèrtrè", "Bërtrë"; F. Bertrix), c' est èn ancyin ptit ban del Walonreye, divnou intité, el province do Lussimbork.

Li viyaedje, veyou des Måjhires

Aisse del Tuzance

• Limeros del posse :
  • asteure : 6880
  • davance : 6800
• Limero diyalectolodjike : Ne 44 ; mwaisse pont d' l' A.L.W.
• Arondixhmint : Li Tchestea
• Lomaedje et spotaedje des djins :
  • Lomaedje : Bietridjot, Bietridjote; (Bèrtridjot, Bèrtridjote; F. Bertrigeois, -oise).
  • Sipotaedje: les Bådets.

No di des plaeces di Bietris

Loukîz so ene pådje tote seule

Istwere

Bietris, c' esteut troes viyaedjes. Did la, les 3 fiers a tchvå so l' essegne. Ci n' est nén des fiers a tchvå mins d' bådets.

Mareye-Tereze d' Otriche lezî vleut fé payî des taeyes mins i n' ont nén vlou. Et Mareye-Tereze dire: i sont tiestous come des bådets.

Tuzance walone

walon d' Bietris

Payis d' frontires inte li tchestrolès, li walon d' Årdene nonnrece eyet l' gåmès.

• Sipotchåve voyale ë : djë n' të vë pës (dji n' ti vou pus)
• Riwaitants di l' Indicatif prezintrece avou l' cawete di codjowaedje -ont : i tchantont, i bayont, i dësvalont (i bayèt = i dnèt; i disvalèt = i dischindèt)
• Sacwants mots tipikes waire eployîs dins l' cotoû : bos (bwès); disvaler, bayî...
• Passer do walon d' Bietris å rfondou:

Loukîz a : Bietris (veye)/passer do walon d' Bietris å rfondou

Diccionairaedje

• Franwal "Nosse vî Bietris" da Yves Gourdin.
• Djivêye di mots walons rashonnés pa Yves Gourdin et rmetous dins l' Båze di dnêyes di l' Årdene nonnrece dizo l' rahouca S110.

Sicrijheus

• Henri Lepage
• Yves Gourdin

Soce di waloneus

Raploûs del Soce des rcåzeus di l' Årdene nonnrece a l' Aisse del Tuzance di 1996 a 2005.

Assaetchances touristikes

• Grote sint Rmåke
• Tchestea des fêyes