Betchfessî oe

Pol discramiaedje des årtikes avou l' mot « oe », loukîz cial.

Li betchfessî OE, c' est on betchfessî scrijha ki rascove des mots ki s' prononçnut foirt diferinnmint totavå l' Walonreye, mins aprume avou li son eû (/øː/) so Lidje ey ene pårteye del Basse Årdene, avou l' son "wè" (/wɛ/) après Nameur et Tchålerwè, avou l' son è (/ɛ/) so tot l' corin del Walonreye (Cînè, Bastogne, Dinant), et co brâmint des ôtes pitits prononçaedjes pus stroet oyous.

Sacwants piceures

Li betchfessî "oe" est enimådjî dins l' fråze djeu d' mot

Dji n' a djamåy yeu si froed mes doets k' ouy.

ki fwait ôre li mot francès "Wikt:couille" s' elle est prononceye a môde di Lidje.

Li betchfessî oi si s' mete måy al tiesse d' on mot, mins s' pout ritrover å coron do mot (cawete -oe, sacwants codjowas come "dji voe")

Sourdants do betchfessî OE

live avou l' tite avou li scrijha oè do sistinme Godenne

Li scrijha OE a stî eployî dispu 1200, mins nén po reprezinter li betchfessî OE :

• po rprezinter li betchfessî ô

choeze (1250) (tchôze)

(pa côps avou deus ponts):

Boëlhe (Boye)

Hoëgne (Hoûgne)

• po rprezinter li son wè (sistinme Léopold Godenne)

memoère (1890-1910)

Istwere do betchfessî "oe"

Les mots avou l' betchfessî "oe" prindnut leu prononçaedje diviè l' 14inme sieke.

• Engroe : Engroit (1242), Engret (1331), Ennegreu (1515).

Istwere do relijhaedje di OE

Les mots scrîts e rfondou avou OE avént stî rfondous avou wè (1994) pu avou eu (1996).

C' est J.P. Hiernaux k' atåvla l' betchfessî OE e 1997.

Hårdêyes difoûtrinnes

• (so l' Aberteke)
  • Sicole do Noû-Lovén sol betchfessî oe
  • Sicole po ls efants sol betchfessî oe
  • Esplikêyes sol betchfessî oe
• sol Wiccionaire
  • Mots avou l' betchfessî oe dedja raspepyîs
  • Mots avou on halcrosse betchfessî oe