Francès d' Beldjike

Li francès d' Beldjike, c' est l' francès ki les Bedjes djåznut.

li francès del Walonreye (gros boket e rodje coleur) est foirt diferin do francès d' Brussele (pitit pont e rodjès royes, al Nonne del Flande, e vert schite)

Sôres di francès d' Beldjike

Po dire li veur, gn a la deus foirt diferinnès sacwès :

• li francès d' Walonreye
• li francès d' Brussele

Polèt esse riwaitîs come des skepiances e francès d' Beldjike, sins esse ridjiblés eviè ene des redjons :

• des noûmots savants, fwaits a pårti do walon pa des intelectuwels, come leyîz-m'-plorisme, Calestienne.
• li motlî des studiants walons et brusselwès francès-cåzant: sillabusse, pette, bisser, trisser, kot, co-kotteur.

Gn aveut kécfeye eto on francès d' Flande (Gant, Anverse), mins i s' doet aveur raprepyî do francès standård, veyanmint ki cåzu totes les ptitès djins drola s' ont metou å neyerlandès. Mins gn a des vîs lives ki l' ont studyî.

Motlî

Loukîz a : francès d' Walonreye

Les mots ki sont corants e francès d' Beldjike et nén e francès standård si lomnut les beldjicisses.

Li prumî gros motî des beldjicisses a rexhou e 2010 dizo l' tite "Dictionnaire des belgicismes".

Hårdêye divintrinne

Emission Matélé so les beldjicisses (del 9inme al 13inme munute)