Atroclaedje di l' årtike

L' atroclaedje di l' årtike, c' est èn sôre d' aplacaedje d' èn årtike après l' no ki va avou, po fé on novea no.

E walon, l' årtike s' atroclêye pus sovint avou on mot ki cmince pa ene voyale u pa on halcrosse H.

L' atroclaedje di l' årtike rishonne ene miete a l' etroclaedje di sacwants ptits mots.

C' est ene sacwè k' arive sovint dins des lingaedjes k' i gn a.

Po des linwincieusès racsegnes sol mot "atroclaedje", alez s' vey e splitchant motî.

Atroclaedje di l' årtike e walon

la tchenå => l' atchenå

la burtale => l' aburtale

la' froye => l' afroye

la Vierge => l' Aviedje

Dins les calcaedjes di l' arabe pås lingaedjes uropeyins, l' årtike "al" (definixhant årtike li) est atroclé å no.

algaråde (al xhraya = li miere, traitaedje k' on-z etindeut todi cwand deus arabes d' Espagne si margayént)
alcol (al kohol)
altchimeye (al kamawiya = li tchimeye)
aldjebe (al xhibra = l' espertijhe)

L' espagnol a calké bråmint des mots di l' arabe (on ndè conte 4.000), mo sovint avou èn atroclé årtike.

Kimons nos :
- aceite (az zeyt, l' ôle)
- aceituna (az zeytoun, l' olive)
- azafata (hostesse di l' air, mot parint d' on vî mot castiyan azafate, platea, banse, ki lu vént di as safat)
- algarroba (al xharouba, garoube)
- algodón (al qoutoun, coton)
- almacen (al maxhzen, l' estat, pu: les gregnes wårdêyes pa des sôdårds)
- azafrán (az za‘farân, safran)
- azúcar (as soukkar, souke)
Nos d' plaeces :
- "Alcazar" (al qçar, li palå)
- "Algesiras" (al djazira, l' iye)
- San Pedro de "Alcantara" (al qantra, li pont)
- "Albacete" (al basita, li soûmint, did la : li plin)

E l' arabe marokin, sacwants noûmots prins do francès sont calkés avou leu-z årtike.