Aprinde li walon d' Lidje pal voye des spots et ratourneures (live)

Aprinde li walon d' Lidje pal voye des spots et ratourneures (po fé court : Live di spots Meurice, ki s' tite e francès, c' est Dictionnaire des spots ou proverbes wallons, c' est on live di spots walons sicrît pa Emile Meurice ey eplaidî e 1994, pu replaidî e 2016 do Muzêye do vicaedje des Walons.

Côde e Wiccionaire : SpE10 (loukîz a : Djivêye des lives di ratourneures et spots walons).

Contnou

Li live est pårti e 33 lçons.

Tchaeke luçon dene sacwants spots, avou des esplikêyes des mots k' i gn a dins li spot.

L' enimådjaedje (58 desséns) a stî fwait pa des scolîs ki Emile Meurice aveut dins ene sicole professionele addé Lidje. End a djusse ene piceye ki vnèt do mwaisse motî Haust.

Al fén, gn a ene tåve di mots, çou ki permete di rtrover åjheymint les spots k' on rcwirt après.

Ovraedje dilérin

Li live a stî eredjistré so cassete odio.

Avou l' deujhinme eplaidaedje gn a eto ene pårteye di ces cåzaedje la k' a stî metou so les fis.

Hårdêye difoûtrinne

Sol waibe do Muzêye do vicaedje des Walons