Moflon ås hozetes

Li moflon ås hozetes, c' est on moflon d' Afrike bijhrece ki dmeure (ou dmoréve) so les pus hôtès montinnes, metans li Grand Atlasse marokin.

Discrijhaedje

Li biesse fwait on bon mete et dmey di long (150 a 170 cm). Elle est a pô près on mete hôte (90 a 100 cm).

Les coines sont spesses, avou des aneas. Ele si racrolèt po fé on dmey ceke, li dbout eviè tere.

Si coleur est rosse, mins li dzo do coir, l' ådvins des mimbes et l' toû del boke sont pus blancs.

A-st ene caime di longs pwels, k' on rtrouve eto å minton (a môde di long bok) et åtoû des djnos. C' est çoula les hozetes ki lyi ont dné s' no.

Il a cåzu disparexhou do Marok. Davance, on l' trovéve dins l' Grand, li Mîtrin eyet li ptit Atlasse.^[1]

Il est åjheymint wårdåve dins les djårdéns zolodjikes.

Commons

I gn a so les cmons Wikipedia des imådjes ou fitchîs son a vey avou les moflons ås hozetes .

↑ A. Lakhdar, J.P. Fartouat, M. Thevenot; Faune du Maroc, Les mammifères; Institut d'études et de recherches pour l'arabisation, Rabat, 1975, p. 49