Accint (diyacritike)

Pol discramiaedje des årtikes avou l' mot « accint », loukîz cial.

Èn accint, c’ est ene pitite faflote ki s’ mete dissu ene voyale (å pus sovint) po ndè candjî l’ prononçaedje.

E walon

Sistinmes ortografikes

E walon, gn a cwate sôres d’ accints corants :

• el tchapea u l' toetea, k' i gn a so les voyales ê, î, û, ô (rifondou) eyet â (sistinme Feller). On l' sait minme mete so l' deujhinme voyale d' on son ås deus letes (digrame) (eû, oû e rfondou; aû, în, îm ôⁿ, îⁿ dins sacwants sistinmes Feller u divins des ortografeyes espontanés).
• el montant accint u l' accint sol hintche, k' i gn a sol lete e, çou ki dene li lete é; dins l' lingaedje corant, «E accint sol hintche» est co dit «betchou E»
• el dischindant accint u l' accint sol droete, k' i gn a sol lete e, çou ki dene li lete è; dins l' lingaedje corant, «E accint sol droete» est co dit «schayî E».. E sacwants cognes do sistinme Feller (Feller-Stasse, Feller-Léonard, Feller-Fauconnier), gn a eto «A accint sol droete» (lete à), et, pus rålmint, «U accint sol droete» (lete ù).
• el bole, k' i gn a sol a (å); dins l' lingaedje corant, «A-bole» est co dit «A-botroûle». Dins l' sistinme Feller-Gaziaux, gn a eto e̊.

Gn a ossu des ôtes diyacritikes metou ådzeu do mot, pus råles, k' on n' lome motoit nén coranmint «accint».

• li dobe pont sol lete ou trema, metou sol lete E po rinde deus sons diferins, sorlon les scrijheus (loukîz a «scrijha ë»).
• l' accint-båre (macron) metou lu avou sol lete E dins l' Feller-Gaziaux (scrijha ē), po noter li rinflé ê.

Scrijhas fonetikes

Gn a des ôtes accints k' on eploye u k' on eployive dins li scrijha fonetike do walon. End a ene cåkêye so les voyales divins l' alfabet fonetike Gillieron (reployî dins l' FEW).

Dins «Contes de la Haute-Ardenne» Albert Lenfant si sieve del wachlete po noter les troes naziåles an (α᷉), on (ɔ̃) et in (ɛ̃ṛ).

• 
  accints et ôtès faflotreyes dins l' FEW (pol walon et les ôtes lingaedjes galiromans)
• 
  scrijhas Albert Lenfant